सिन्धुपाल्चोक / हेलम्बु क्षेत्रको हिमाली क्षेत्रमा बुधबारदेखि हिमपातमा फसेको एडीबीका विज्ञ टोलीलाई सकुशल उद्धार गरिएको छ ।
आज बिहान उक्त टोलीलाई श्री एयरलाइन्स मार्फत उद्धार गरिएको सिन्धुपाल्चोक प्रमुख जिल्ला अधिकारी वेदनिधि खनालले जानकारी दिए ।
उनका अनुसार विज्ञ टोलीको पाँच जनालाई उद्धार गरी राजधानी लगिएको छ । बाँकी १० जनालाई सुरक्षित स्थानमा ल्याइएको छ । उनीहरु सबैको स्वास्थ्य अवस्था सामान्य रहेको पनि प्रजिअ खनालले बताए ।
उक्त टोली गत असार १ गते गएको भेमाथाङ पहिरो अध्ययनका लागि मेलम्चीबाट तीन हजार ६ सय मिटर माथि पुगेको थियो ।
