झापा / भक्तपुरबाट तीव्र गतिमा काठमाडौँतिर जाँदै गरेको कार दुर्घटना हुँदा एकको मृत्यु भएको प्रहरीले जनाएको छ ।
दुर्घटनामा दुई जना घाइते भएका छन् । मध्यपुरथिमि नगरपालिका –४ चारदोबाटो स्थित अरनिको राजमार्ग खण्डमा तीव्र गतिमा काठमाडौँ जाँदै गरेको बा ४ च ५७६ नम्बरको कार सडकको बीचमा रहेको डिभाइडरमा ठोक्किएर दुर्घटना भएको थियो ।
सो कारले गुडिरहेको अर्को ट्याक्सीलाई समेत ठक्कर दिँदा कारमा सवार धनुषा उपमहानगरपालिका –१५ घर भई काठमाडौँ महानगरपालिका शान्तिनगर बस्ने वर्ष २२ का अभिषेक शाहको मृत्यु भएको महानगरीय प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिएका छन ।
