झापा / सुनसरीबाट दुई थान स्वचालित पेस्तोलसहित दुई जना भारतीयलाई प्रहरीले पक्राउ गरेको छ ।
पक्राउ पर्नेमा भारत अररिया बासमतिया - ६ का ३५ वर्षीय विद्यानन्द राम र बासमतिया- २ का ३१ वर्षीय हसम अन्सारी रहेका छन् ।
बि आर ५० के ०१४९ नम्बरको मोटरसाइकलमा सवार उनीहरूलाई रोकेर चेकजाँच गर्दा पेस्तोल बरामद भएको जिल्ला प्रहरी कार्यालय सुनसरीका प्रहरी नायब उपरीक्षक नरेन्द्र कार्कीले बताएका छन ।
उनीहरूको साथबाट चार वटा म्यागजिन र तीन राउन्ड गोली बरामद भएको कार्कीले बताए । उनीहरू साना हतियारको कारोबारी रहेको बुझिएको कार्कीले बताए ।
दुवैलाई मुलुकी अपराध संहिता २०७४ को परिच्छेद ६ को ‘हातहतियार तथा खरखजाना सम्बन्धी कसुर’ अनुसन्धान थालिएको छ ।
