झापा / सुर्खेतमा एमसीसीको विरोधमा भएको प्रदर्शनमा झडप हुँदा इन्स्पेक्टरसहित १८ जना घाइते भएका छन् । प्रदर्शनकारीको ढुंगा प्रहारबाट नगर प्रहरी प्रमुख लालबहादुर सुनार सहित प्रहरी घाइते भएको प्रदेशका प्रवक्ता एसपी राजेन्द्र सिंह खड्काले जानकारी दिए । प्रदर्शनकारीले राजनीतिक दलका पार्टी कार्यालय तोडफोड गर्न थालेपछि सुर्खेतमा कर्फ्यु लगाइएको छ । तर, कर्फ्यु उल्लंघन गर्दै प्रदर्शन गर्न थालेपछि प्रहरी र प्रदर्शनकारीबीच झडप भएको हो । प्रहरीले कर्फ्यु उल्लंघन गर्ने २३ प्रदर्शनकारीलाई नियन्त्रणमा लिएको छ भने दुई जना सर्वसाधारण पनि घाइते भएका छन् । प्रशासनले सोमबार रात
बिर्तामोड / ताप्लेजुङमा किशोरीको बलात्कारपछि हत्या गरेको कसुरमा दोषी ठहर गर्दै अदालतले एक युवकलाई ३६ वर्ष कैद सजायको फैसला सुनाएको छ ।जिल्ला अदालतले पाँच महिना अघि भीरबाट लडाएर किशोरीको हत्या गरेको कसुरमा पक्राउ परेका फुङ्लिङ नगरपालिका –१० फुरुम्बुका २४ वर्षीय रामकुमार कार्कीलाई उक्त सजाय सुनाएको हो । जिल्ला अदालतका न्यायाधीश प्रकाश राउतको एकल इजलासले कर्तव्य ज्यान मुद्दामा २५ वर्ष र करणी कसुरमा ११ वर्ष कैदको फैसला गरेको हो ।जिल्ला अदालतका इजलास सहायक निमाछिरिङ शेर्पाका अनुसार पीडकबाट पीडित पक्षलाई रु तीन लाख क्षतिपूर्ति भराउन आदेश भएको छ । कार्कीले फक्ताङ्लुङ गाउँपालिका–३ लिङ्खिम घर भई
झापा / कर्णाली नदीमा पौडी खेल्न गएका एक युवक बेपत्ता भएका छन् । कैलालीको मोहन्याल गाउँपालिका –७ का अन्दाजी ३२ वर्षीय धर्म भण्डारी नदीमा डुबेर बेपत्ता भएका प्रहरीले जनाएको छ ।सोमबार पौडी खेल्ने क्रममा ती युवक डुबेर बेपत्ता भएको जिल्ला प्रहरी कार्यालय कैलालीले जनाएको छ ।बेपत्ता भण्डारीको खोजी भइरहेको जिल्ला प्रहरी कार्यालय कैलालीका प्रहरी नायब उपरीक्षक वेद प्रकाश जोशीले बताए ।
झापा / जिल्ला प्रहरी कार्यालय धनुषाले पछिल्लो साढे एक महिनामा ९ वटा बालविवाह रोकेको जानकारी दिएको छ । प्रहरीका अनुसार माघ १२ गतेदेखि फागुन १५ सम्म विभिन्न गाउँपालिकामा हुन लागेका ९ बालविवाह रोकिएको हो । अभिभावक, न्यायिक समिति, नागरिक समाज, महिला समूह लगायतसँगको समन्वयमा बालविवाह रोकिएको धनुषाका प्रहरी उपरीक्षक वसन्त रजौरेले बताएकाछन् ।
काठमाडौं / सुनसरीको एक होटलमा महिलाको शव फेला परेको छ ।आज मंगलबार बिहान धरान उपमहानगरपालिका–१८ बुद्धचोकमा रहेको न्यू कान्तिपुर होटलको एक कोठामा महिलाको शव फेला परेको इलाका प्रहरी कार्यालय धरानका प्रवक्ता गजेन्द्र रायमाझीले जानकारी दिएका छन् ।उनले घटनाको अनुसन्धान भइरहेको र त्यसबारे आजै सत्यतथ्य पत्ता लाग्न सक्ने पनि बताएका छन् ।
बिर्तामोड / प्रत्येक वर्ष फागुन कृष्ण चतुर्दशी मध्यरातमा परेका दिन मनाइने महाशिवरात्रि पर्व आराध्यदेव भगवान् शिवको विधिपूर्वक पूजा–आराधना गरी आज देशभर मनाइँदैछ ।वैदिक सनातन हिन्दु धर्मावलम्बी आज बिहानैदेखि नदी, कुण्ड र तलाउमा स्नान गरी शिवालयमा गई श्रद्धाभक्तिपूर्वक पूजा–आराधना गर्दछन् । शिवजी उत्पत्ति हुनुभएको रातका नामबाट नामकरण भएको यो पर्व कालरात्रि, मोहरात्रि, सुखरात्रि र शिवरात्रि नामक चार प्रमुख रात्रिमध्ये एक पवित्र पर्वका रूपमा शिव पुराणलगायतका ग्रन्थमा उल्लेखित छ ।फाल्गुन कृष्ण चतुर्दशीका दिन मनाइने यस पर्वलाई दीनदुःखी र कष्टपूर्ण अवस्थामा रहेका प्राणीको हृदयमा धर्मको उदय गराउने आशुत
बिर्तामोड / धरान १८ बुद्धचोकस्थित न्यु कान्तिपुर होटल एण्ड गेस्ट हाउसमा एक महिलाको शव फेला परेको छ । होटलमा दुई दिनदेखि बसिरहेका महिलाको शव भेटिएको हो । कोठा सफा गर्न गएका होटलका कर्मचारीले शव देखेपछि प्रहरीलाई खबर गरेका थिए । अहिले इलाका प्रहरी कार्यालय धरानको टोलीले अनुसन्धान गरिरहेको छ । महिलासँगै बसेका पुरुष फरार छन् । उनले हत्या गरेको हुनसक्ने आशंका गरिएको छ । महिलाको अनुहारमा चोटसमेत देखिएको छ ।डीएसपी नरेन्द्र कुँवरका अनुसार महिलाको शव भेटिएको र उनको सनाखत गर्न परिवार तथा आफन्तजनको खोजी भइरहेको बताए । आफन्तजन आएपछि मात्र शव हेर्ने, घटना प्रकृति मुचुल्का गरिने उनले बताए । होटल स
झापा / वीरगञ्ज महानगरपालिका -२१ ताजपुर टोल बस्ने २६ वर्षीय गोविन्द महतोको ना २९ प २८८३ नम्बरको मोटरसाइकल चोरी गरेको अभियोगमा सोही ठाउँ बस्ने २१ वर्षीय दिनानाथ प्रसाद महतोलाई शुक्रबार प्रहरीले पक्राउ गरेको छ ।आफ्नै घर अगाडि पार्किङ गरिरहेको अवस्थामा शुक्रबार राति उक्त मोटरसाइकल चोरी भएको भन्ने खबर प्राप्त हुनासाथ जिल्ला प्रहरी कार्यालय पर्साबाट खटिएको प्रहरीले सोही ठाउँस्थित परवानीपुर ढाटबाट मोटरसाइकल फेला पारी चोरीमा संलग्न महतोलाई पक्राउ गरेको हो । उनीउपर चोरी कसूरमा थप अनुसन्धान भइरहेको छ ।
बिर्तामोड / झापामा सार्वजनिक यातायातका साधनलाई अवरोध पुर्याउन खोज्ने तीन जनालाई प्रहरीले पक्राउ गरेको छ । पूर्वपश्चिम राजमार्गअन्तर्गत लक्ष्मीपुर सडकखण्डमा टायर बाल्न खोज्ने अर्जुनधारा नगरपालिका वडा नम्बर ५ का राजकुमार बस्नेत पक्राउ परेका छन् ।उनलाई इलाका प्रहरी कार्यालय घैलाडुब्बाको प्रहरी टोलीले नियन्त्रणमा लिएर अनुसन्धानका लागि इलाका प्रहरी कार्यालय बिर्तामोड पठाएको छ ।यस्तै, बिर्तामोडको मुक्ति चोकमा सार्वजनिक यातायातका साधन रोक्न खोज्ने दुई जनालाई बिर्तामोड प्रहरीले नियन्त्रणमा लिएको छ । बिर्तामोड नगरपालिका वडा नम्बर ४ बस्ने बालकृष्ण बुढाथोकी र मेची नगरपालिका वडा नम्बर १२ बस्ने
झापा / रौतहटको देवाहीगोनाही नगरपालिकाका नगर प्रमुख धर्मेन्द्र पटेललाई अख्तियार दुरुपयोग अनुसन्धान आयोगको टोलीले घुस रकमसहित नियन्त्रणमा लिएको छ ।उनलाई आइतबार अख्तियार दुरुपयोग अनुसन्धान आयोग काठमाडौंबाट प्रहरी नायब उपरीक्षक पुष्प मल्लको नेतृत्वमा आएको टोलीले कार्यकक्षबाटै पक्राउ गरेको हो ।उनको साथबाट दुई लाख पचास हजार नगद र दुई लाख पचास हजारको चेक फेला परेको अख्तियार दुरुपयोग अनुसन्धान आयोगका सूचना अधिकारी वेदप्रसाद भण्डारीले जानकारी दिए ।अख्तियारको टोलीले नगर प्रमुख पटेलसहित योजना प्रमुख, लेखापाल र मेयरका स्वकीय सचिवलाई पनि टोलीले नियन्त्रणमा लिएर अनुसन्धान गरीरहेको उनले बताए ।सोही नगरप
Copyright © 2021 / 2024 / Esoul Media (P) Ltd. / All Rights Reserved.
